(ما علموك الجرح)

(ما علموك الجرح)

كذاب مـن قال الوفـاء ما بعد مـات
لا واللـه إلا مــات وأحيــاك دونــه

خطاك ما يعني غـلاك إنت بالذات
خـطـاك يذبحنـي ويـبـري طـعونـه

هيهات يا قلب شكـى الهـم هيهـات
مـن وقت قاسـي ميلتنـي غصـونـه

صـدمتنـي واهديتنـي ذيك الاهـات
قلـي بربــك كيــف قـلبــي تـخونـه

ما علموك الجـرح يرسـم علامـات
علـى كـفــوف الـعمـر فنـه ولـونـه

يطيح قـدرك وارفعـه عشر مـرات
ليـتـك وفيــت لقلـب عـدك ظنـونـه

ما ألوم غيري فات ذاك العتب فات
ألــوم دمـعــه شفتـهـا فــي عـيـونه

أنا السبب فيها وفـي غربـة الـذات
يـا عـل يومـي قبــل يومـه ودونـه