اكو فد وحده كلما يمر الباص من يم بيتهم يوكع الكنتور اللي بغرفة النوم وراحت للنجار علمود يجي يصلحه وثاني يوم . همينا صارت نفس الحاله وهم اجى يصلحه .. وبثالث يوم همينا اجتله فتعجب النجار وكال : احسن شي اكعد داخل الكنـتور لمن يجي الباص واشوف شنو السالفه ….. وبنفس الاثناء رجع زوجها للبيت ودخل للغرفه فتح الكنـتور دا يبدل ملابسه شاف النجار كاعد ……………….. كله : شدتسوي هنا رد عليه النجار والله لو اكلك دا انتظر الباص ما راح تصدكني
اسمع دعاء الكردي برمضان
اللهم لك سمت و تمر اكلت و شوربه شربت و باجر اصوم اذا كدرت
ليزعلون اخوانه الكراد تره هاي نكته
محشش راح حفلة تنكرية.... حركَـ وجهه
مرة واحد جاب جدر تمن وخلة بية اريل سالو ليش هيج سويت كال دا اسحب مركة من الجيران
خبل دخل بفاتحه كال : يا سبحان الله الانسان مثل البني ادم اذا مات توفى واذا انقتل انذبح .....
خطيب شرب شريط كبسول وراح للخطبة ورة الخطبة راحو جماعتة للبيت كالولة انت اليوم شكد كذبت كالهم ليش كالو كلت معركة بدر صارت قصف طيارات مشيناها كلت صلاح الدين الايوبي ضرب القدس كيمياوي مشيناها بس مال ابو جهل باع بلال الحبشي بخمس ملايين لبرشلونة هاي شلون رهمتها
يكولك فديوم بزونة تمشي على حايط الجوارين فطلع ابو البيت ضربها بنعل التفتت علية كالت اكول ميو لو اغلط
مره فد واحد رح ديصلي بالجامع
جان ديصلي يم واحد سوداني فالشيخ كال استووا و تراصوا
فالولد كال شيخنه اني ستويت بس اليمي احترك
اكو فد يوم طيارة وكعت ....ليششششششششششششششش ///////لن العصفور مدلها رجل
محشش بدرس الرسم رسم نقطة و كال هذا فيل جاي من بعيد
ايكلك مره فد واحد حجي على فراش الموت
فلم كل ولده عودين ديسوي روحه حكيم جان ينطي عوده الاول واحد كسره بعدين جان ينطي 3 عود جان يكسره
جان ينطي مجموعه هم جان يكسره
جان يكللهم الولده ما ادام هذا الثور وياكم متحتاجون شي
محشش راح لهولندا.. من رجع صديقه گاله احچينه اشفت ما شفت بالخارج ؟ گله يمعود من كثر المزارع بس يعجبك اصير طلي
فد اثنين محشيشين كاعدين يشوفون الاخبار وشوية طولت الاخبار واحد كال للثاني اشو اليوم طولتالاخبار كله يمكن الحلقة الاخيرة
اكو خطيب مال جامع خطب بالناس خطبة صلاة العيد كال على كل زوج ان يبوس ايد زوجته كلما يرجع للبيت واحد من الكاعدين كله واللي مامتزوج شيخنه شيسوي كله يبوس ايده وجه وكفة
يكلك مره فد واحد ابو صديقه ميت
فراح عليه بالفاتحه كله المروحوم وين انضرب كله فوك عينه كله همزين ماجتي بعينه لانه جان انعمه
واحد اسمه نادر ازووج وحده اسمها نادره جابووا ولد اسمه مهدد باالانقراض
محشش طلبوا منه یکتب انشاء عشر صفحات كتب بالصفحه الاولى (ركب الرجل الحصااان) وبالصفحه الاخيره كتب (نزل الرجل من الحصان ) وبالنص كولها (طربك طربك طربك طربك )
الثلاثاء ديسمبر 07, 2010 5:26 pm من طرف hemin842
موضوع: نكات عراقيه جديده خرافيه 
